Partitë opozitare në Kosovë, ditëve të fundit kanë ashpërsuar retorikën politike ndaj Qeverisë. Sipas opozitës, raportet që ka sot Kosova me SHBA-në e BE-në janë në nivelin alarmues.
Opozitarët, synojnë që me anë të zgjedhjeve të largojnë Kurtin nga pushtetit, duke e parë këtë si mundësi përfillimin e zgjidhjes së problemeve në vend.
Por, këtë aktivizim të opozitës, ish-zëvendës kryeministri i Kosovës, Ramë Manaj, e cilëson të vonuar.
Ndërsa profesori universitar, Abit Hoxha thotë se zgjedhjet e reja nacionale nuk mund të sjellin ndonjë zgjidhje për situatën e krijuar.
Të mërkurën Lidhja Demokratike e Kosovës ka ftuar një takim me mediat dhe shoqërinë civile për siç kanë thënë diskutimet për daljen nga gjendja aktuale politike. LDK e PDK thonë se kanë vendosur që të mos votojnë pro asnjë vendimi të shumicës në Kuvendin e Kosovës.
