Protestuesit në sheshin e Tiranës do të qëndrojnë derisa kërkesat e tyre të realizohen, ku njëra nga to është edhe dorëheqja e kryeministrit të Shqipërisë, Edi Rama.
Kështu është shprehur Edison Lika, aktivistë dhe protestues nga Shqipëria.
Ai në deklarim për emisioin “Këndi i Debatit” Tëvë1 ka thënë se dorëheqja e Ramës do të ishte gjëja e më e mirë.
“Zgjidhja më e mirë është që Rama të jap dorëheqje, do të qëndrojmë këtu deri në fund. Jemi këtu të gjithë bashkë dhe kjo lëvizje heterogjene është shpresë për Shqipërinë. Ne jemi këtu derisa Rama të jap dorëheqje Ngjarja e Zvërnecit irritoi qytetarët dhe më në fund ndodhi ajo derdhja e ujit që kishte mbushur gotën plotë dhe shfaqi revoltën e qytetarëve”, është shprehur ai.
Lika ka thënë se kjo protestë ka është edhe kundër një shteti siç ka thënë ai oligarko-kriminal.
“Në Shqipërinë e para viteve 90-ta gardhet dhe kufijtë shërbenin që mos të na linin të dilnim nga Shqipëria, ndërsa në Shqipërinë e këtyre viteve po shërbejnë që mos të na lënë ta shijomë dhe prekim Shqipërinë”, është shprehur aktivisti Lika.
Në Shqipëri për 19 ditë rresht po mbahet protesta kundër ndërtimit të resorit në Zvërnec.
Kryeministri i Shqipërisë, Edi Rama ka mbrojtur projektin.
Sa i përket kërkesës së protestueseve për dorëheqjen e tij, Rama ka thënë se ndoshta momenti më i mirë do të ishte pas anëtarësimit të Shqipërisë të Bashkimin Evropian.
