Prokuroria Speciale e Kosovës ka ngritur aktakuzë ndaj një personi me inicalet S.S.
I njëjti dyshohet për nxitje të përçarjes apo mosdurimit.
Komunikata:
AKTAKUZË NDAJ S.S PËR NXITJE TË PËRÇARJES DHE MOSDURIMIT
Prishtinë, 16 maj – Prokuroria Speciale e Republikës së Kosovës ka ngritur aktakuzë kundër të pandehurit S.S, për veprën penale “Nxitja e përçarjes dhe mosdurimit’’, nga neni 141 paragrafi 1 të KPRK-së.
Nga hetimet e zhvilluara ka rezultuar se S.S, i nacionalitetit serb me datë 14.10.2023, rreth orës 08:20, në fshatin Dren të Komunës së Zubin Potokut, ka ndërmarrë veprime konkrete me qëllim të nxitjes së urrejtjes, prishjes së rendit publik, përçarjes dhe mosdurimit ndërmjet grupeve etnike në Republikën e Kosovës.
Prokuroria Speciale e Republikës së Kosovës, aktakuzën e ka dorëzuar në Departamentin Special të Gjykatës Themelore në Prishtinë, dhe ka propozuar që pas shqyrtimit gjyqësor të njëjtin ta shpall fajtor dhe ta dënoj bazuar në Kodin Penal të Republikës së Kosovës.
