Prokuroria Themelore në Prizren ka ngritur aktakuzë ndaj E.K. për fajde dhe detyrim, ndërsa së bashku me A.K. akuzohet edhe për fajde në bashkëkryerje.
Sipas aktakuzës, E.K. dyshohet se që nga viti 2021 i ka dhënë viktimës B.Ç. shuma të ndryshme parash, duke përfituar mbi 400 mijë euro vetëm nga kamatat.
Prokuroria pretendon se viktima është kërcënuar me vrasje ndaj tij dhe familjarëve, me qëllim që të paguante kamatat dhe të mos e denonconte rastin në Polici.
Në një fazë tjetër, të pandehurit dyshohet se kanë kërkuar 550 mijë euro nga viktima e dytë, ndërsa më pas 450 mijë euro, duke kërkuar që në emër të kamatave t’u kalonin pronësia e lokaleve afariste dhe një shtëpie me vlerë rreth një milion euro.
Të dyshuarit ishin arrestuar më 11 mars 2026 gjatë zbatimit të masave të veçanta hetimore. Prokuroria ka zgjeruar hetimet edhe për pastrim parash dhe ka ngrirë disa patundshmëri./teve1.info/
