Dy javë para se të bëhen një vit për sulmin e armatosur në Banjskë të Zveçanit, Prokuroria Speciale e Kosovës ka njoftuar të mërkurën se ka ngritur aktakuzë për 45 persona. Në mesin e tyre, kryesori u përmend Milan Radojçiqi derisa veprat penale që po akuzohet ai dhe 44 të tjerët lidhen me terrorizmin. Nga Prokuroria tregojnë për hetimet shumë pak, duke mos publikuar as aktakuzën dhe as emrat e të përfshirëve të tjerë.
Edhe dy javë bëhen një vit prej kur ndodhi sulmi i armatosur në Banjskë të Zveçanit.
E të mërkurën, Prokuroria Speciale e Kosovës njoftoi se ka ngritur aktakuzë ndaj 45 personave për këtë sulm terrorist.
Madje në këtë konferencë për media, u paraqitën edhe provat që i kanë siguruar për ngritjen e kësaj aktakuze.
Kryeprokurori Blerim Isufaj tregoi se ata po akuzohen për vepra penale që ndërlidhen me terrorizmin.
Isufaj dha arsyen se pse është vonuar ngritja e kësaj aktakuze për një vit.
E bashkë me të, ishte edhe prokurori i rastit Naim Abazi.
Abazi tregoi që ne mesin e të akuzuarve kryesor është Milan Radojciqi.
Mirëpo, në këtë konferencë nuk u publikua aktakuza dhe as emrat e të përfshirëve të tjerë.
Abazi dha detaje vetëm për dëshmitë që i kanë siguruar dhe vështirësitë që i kanë hasur.
Më 24 shtator të vitit 2023, në fshatin Banjskë të komunës së Zvecanit, një grup i armatosur serb sulmoi Policinë e Kosovës ku mbeti i vrarë reshteri Afrim Bunjaku.
Nga përleshja e armatosur në mes Policisë së Kosovës dhe këtij grupi mbetën të vrarë edhe tre sulmues serbë.
