Prokuroria Themelore në Mitrovicë ka ngritur aktakuzë, në Gjykatën Themelore të kësaj komune, kundër të pandehurve A.H., E.M., dhe B.A., për shkak të dyshimit të bazuar se në bashkëkryerje kanë kryer veprën penale “Cenimi i të drejtave të punësimit dhe papunësisë“.
Të pandehurit, dyshohet se në janar të vitit 2020, si anëtarë të komisionit për pranimin e punëtorëve të minierën e “Trepça” SH.A., në bashkëkryerje dhe me dashje kanë vepruar në kundërshtim me legjislacionin në fuqi, duke mos përfillur procedurat e rekrutimit të përcaktuara sipas udhëzimit administrativ të MPMS lidhur me rregullimin e procedurave të konkursit në sektorin publik.
“Të njëjtit, kanë shkelur rregulloren e vlerësimit gjatë intervistimit me gojë të kandidatëve, ashtu që në vend të vlerësimit për çdo pyetje të saktë me njëzet (20) pikë siç rregullohet në udhëzim administrativ, në rastin konkret të pandehurit i kanë vlerësuar kandidatët me nga njëzetepesë (25) pikë për pyetje në total me mbi njëqind (100) deri treqind (300) pikë, duke i sistemuar në vende pune dhe themeluar marrëdhënie të punës me shtatë (7) persona, dhe me këtë veprim kandidatëve tjerë u ka mohuar të drejtën për punësim dhe kushte të njëjta ashtu siç parashihet me ligj”, thuhet në komunikatë.
Sipas aktakuzës, me këto veprime, të pandehuritA.H., E.M., dheB.A., kanë kryer veprën penale e cilau vihen në barrë.
Ndërkohë, prokurori i Shtetit, i ka propozuar gjykatës që të pandehuritt`i shpallë fajtor për veprën e kryer penale dhe t`idënojë sipas ligjit. /teve1.info/
