Kryeprokurorja e Prokurorisë Themelore të Pejë,s Lumturije Vuçetaj ka thënë se në aksionin e zhvilluar në kompani të kontraktuar për ndërtim në rajonin e Pejës, kanë hasur parregullsi të shumta e mungesë sigurie për punëtorët.
Ajo ka thënë se gjatë vizitave kanë parë që punëtorët kanë rrezikshmëri të lartë të jetën në vendin e punës.
“Kemi gjet dhe kemi has kompani që punojnë pa asnjë masë mbrojtës, kemi gjet punëtorë që nuk kanë asnjë mjet punës që i mbron nga rreziqet që mund t’i ekspozohet ndonjë rreziku gjatë punës. Rrezikshmëria e jetës së tyre është parë në mënyrë faktike në vendin e ngjarjes. Kemi gjet shkelje të jashtëzakonshme, punëtorët pa siguri absolute”, ka thënë ajo në një konferencë për media pas përfundimit të aksionit, raporton Tëvë1.
Sipas saj, aksioni kishte për qëllim dërgimin e mesazhit se askush nuk mund të jetë mbi ligjin dhe se personat përgjegjës nuk mund të rrezikojnë jetën e qytetarëve.
“Aksioni ka pas qëllimin me përçua mesazhin tek të gjithë, se askush nuk është mbi ligjin dhe gjithë personat përgjegjës të këtyre kompanive kontraktuese nuk mund të veprojnë dhe të vihet në rrezik jeta e punëtorëve. Jam e sigurt që pas aksionit të sotëm të gjithë do të jenë më të kujdesshëm, tha ajo.
Vuçetaj ka thënë se për të gjitha shkeljet janë njoftuar inspektoratet e komunave përkatëse.
