Së pari po i nënshtrohet kontrollës.
E me të verifikuar që gjendja e tij shëndetësore është në rregull, vazhdoi me dhurim të gjakut.
Kjo pasi Qendra Kombëtare e Kosovës për Transfuzionin e Gjakut, ka nisur një aksion, një javor.
E këtë të hënë aksionin e filluan nga Infrakosit.
“E shpëton një jetë. Mirë është me dhënë edhe për shëndet edhe për shoqëri kush ka nevojë. Mirë është. Nuk e kam besua kurrë, por më ka ndodh një rast isha në spital, lypke njoni gjak edhe thash unë e kom kartelën. I thash që po ta dha kartelën, shko merr, më kanë befasu ja kanë dhanë gjakun”, thotë Besim Smalliku-punëtor në Infrakos.
Nga kjo kompani mbi 30 punëtorë lajmërohen çdo gjashtë muaj për dhurim të gjakut.
“Është viti i shtatë që e organizojmë dhe në këtë pjesë kisha dasht me i falënderua gjithë punëtorët e Infrakosit për gatishmërinë e tyre. Dhe dita ditës rritet numri i dhuruesve të gjakut” , u shprehe Fidai Hajdari-shef për shërbim të sigurisë në punë në këtë ndërmarrjes.
Këtë iniciativë në këtë kompani e solli Valentina Selimi, e cila që nga viti diku 2019 dhuron gjak dy herë në vit.
“Shumë e shoh të rëndësishme. Në një për shpëtim të jetëve me siguri një pikë gjak çka është shumë e rëndësishme nga trupi shpëton jetën e dikujt është e rëndësishme besoj edhe për shëndetin. Jam shumë mirënjohëse nga shëndeti im që munden me dhuruar gjak”, shprehet ajo.
Aksione të tilla po shihen të nevojshme.
Kjo edhe për faktin se grupi negative i gjakut po është në mungesë.
“Dhurimi vullnetarë i gjakut ka rëndësi jetike për një numër të madh të pacientëve të cilët janë të shtrirë në klinikat e ndryshme të Qendrës Klinike Universitare të Kosovës, e gjithashtu në klinikat private. Prandaj ne vazhdimisht inkurajojmë secilin që e ka shëndetin t’i bashkohet aksionit të dhurimit vullnetarë të Qendrës së Transfuzionit qoftë në institucion, qoftë në ekipet mobile”, thotë doktoresha Mysheref Sylbije.
Por, doktoresha thotë se jo të gjithë mund të dhurojnë gjak.
“Ndonjëherë ndodh që edhe një luhatje e shtypjes së gjakut mundet përkohësisht të eliminoj një person prej dhurimit vullnetar të gjakut…Ka edhe kritere tjera të cilat ne vazhdimisht i shtjellojmë bashkërisht me dhuruesin vullnetar gjatë aksioneve”, tregon ajo.
Gjak nuk mund të dhurojnë as personat të cilët janë në gjendjet gripoze apo përdorimin teperati të ndryshme.
