Policia ka dhënë informacion zyrtar lidhur me ngjarje e ndodhur të enjten në zonë e Astirit, ku u desh ndërhyrja e RENEA-s për të nxjerrë nga banesa një vajzë që pretendonte se ishte dhunuar.
Përmes një njoftimi për mediat, policia thotë se shtetasja S.Q, ndodhet nën asistencën e stafit mjekësor. Nga këqyrja paraprake nuk konstatohen shenja të dukshme fizike.
”Gjithashtu, gjatë kryerjes së veprimeve të ngutshme hetimore dhe kontrollit të apartamenteve të tjera në pallatin në fjalë, në një banesë tjetër janë gjetur 2 armë zjarri pistoletë. Brenda kësaj banese nuk janë gjetur persona në momentin e kontrollit“.
Grupi hetimor po kryen veprimet përkatëse me qëllim zbardhjen e plotë të ngjarjes dhe identifikimin e poseduesit të armëve./euronews.al
