Se si po shkon puna e ndërtimit të këtyre komplekseve, po i shohin fillimisht përmes dronit.
E nga këto pamje gjatë hetimeve, Prokuroria Themelore e Pejës pa që në vendin e punës në ndërtimtari, punëtorët nuk kanë siguri.
Mungesa e mjeteve të punës, bëri që ky institucion bashkë me Policinë e Kosovës dhe inspektoriatin të fillojnë një aksion.
Nëntë prokurorë i patën synim 20 lokacione në rajonin e Pejës për inspektim.
Ato u ndanë në katër komuna, Pejë, Istog, Klinë e Deçan nga kryeprokurorja, Lumturije Vuçetaj.
E prokurorja Sadije Muriqi aksionin e filloi në komunën e Istogut.
Menjëherë aty filloi pyetjet.
Pyetjet Muriqi i vazhdoi edhe për përgjegjësin e kësaj punëtorie.
Secilit punëtorë veç e veç, iu kërkuan edhe dokumentet për identifikim.
Aksioni i tyre vazhdoi edhe në një tjetër punëtori të ndërtimit.
Edhe këtu, u gjetën parregullsi.
Por Istogu nuk mbaroi me kaq.
Se si po shkon aksioni erdhi për të parë edhe Kryeprokurorja.
Edhe këtu pati parregullsi në veshmbathje të punëtorëve të ndërtimtarisë.
Pas pesë orëve aksion, kryeprokurorja Lumturije Vuçetaj tha se u gjetën disa parregullsi.
Ajo tha se mesazhi është i qartë, askush mbi ligjin.
E nga Policia e Kosovës treguan se nuk ka pasur asnjë incident gjatë aksionit.
Ky aksion vjen pas rasteve të shumta tragjike të shënuara gjatë këtij viti, ku disa punëtorë kanë humbur jetën për shkak të mungesës së kushteve dhe sigurisë në punë.
Nga Prokuroria thanë se aksione të tilla të sigurisë në punë do të vazhdojnë.
