Kompania Rajonale e Ujësjellësit “Prishtina” ka identifikuar një kyçje ilegale të ujit në një biznes në Drenas.
Rasti, sipas njoftimit, është evidentuar në një biznes në Gllobar të Drenasit, ku dyshohet se uji i pijshëm po keqpërdorej nga një afarist.
“Rasti do të procedohet sipas ligjeve dhe rregulloreve në fuqi. Aksione të tilla do të jenë të shpeshta dhe në tërë territorin e Drenasit” thuhet në njoftimin e KRU-së.
