Pesë persona janë arrestuar mbrëmjen e së shtunës në Prizren, pas një operacioni policor në bashkëpunim me Prokurorinë Themelore në Prizren, në disa lokale të natës (bar-lounge).
Sipas Policisë, katër personave të dyshuar u janë gjetur thika në brez, ndërsa një personi tjetër i është gjetur dhe sekuestruar një armë zjarri.
Të njëjtit, me vendim të prokurorit të shtetit janë dërguar në mbajtje për 48 orë.
“Armët dhe mjetet e sekuestruara do të shërbejnë si prova materiale në procedurën penale që është iniciuar ndaj të dyshuarve për veprën penale: “Mbajtje në pronësi, kontroll ose posedim të paautorizuar të armëve’”, thuhet në njoftim
