Policia e Kosovës ka njoftuar për një aksion inspektimi të zhvilluar në 35 autoparkingje në komunat Gjilan dhe Viti.
Aksioni është realizuar nga Drejtoria për Hetimin e Krimeve Ekonomike dhe Korrupsionit – Njësia Rajonale në Gjilan, në bashkëpunim me Administratën Tatimore të Kosovës (ATK), Inspektoratin Qendror të Punës (IQP) dhe Inspektoratin Qendror të Ministrisë së Tregtisë (IQMT), si dhe në koordinim me Prokurorinë Themelore në Gjilan.
Sipas Policisë, kontrollet janë kryer më 17 korrik 2026, me qëllim verifikimin e respektimit të obligimeve ligjore nga subjektet që operojnë në këto veprimtari.
Gjatë inspektimeve janë evidentuar shkelje të ndryshme, për të cilat janë marrë veprime nga institucionet përkatëse.
‘‘Shmangie tatimi. Viti dhe Gjilan 17.07.2026-09:30. Me datën 17.07.2026 Drejtoria për Hetimin e Krimeve Ekonomike dhe Korrupsionit – Njësia Rajonale në Gjilan, në bashkëpunim me institucionet tjera ligj zbatuese: Administratën Tatimore të Kosovës (ATK), Inspektoratin Qendror të Punës (IQP) dhe Inspektoratin Qendror të Ministrisë së Tregtisë (IQMT), si dhe në koordinim me Prokurorinë Themelore në Gjilan, ka realizuar një aksion inspektimi në tridhjetë e pese (35) auto parkingje në qytetet Gjilan dhe Viti”, thuhet në raport./teve1.info/
