Policia e Kosovës në bashkëpunim me Doganën ka realizuar një aksion në veri të vendit, ku janë arrestuar disa persona të dyshuar për kontrabandë. Sipas burimeve të Tëvë1, të arrestuarit dyshohen se kanë futur mallra nga Serbia në territorin e Kosovës.
Aktualisht, Policia e Kosovës po kryen intervistimin e të dyshuarve, ndërsa pritet që më pas të merren masat e paraburgimit. Burime nga Tëvë1 bëjnë të ditur se deri tani janë arrestuar tetë persona.
