20 persona janë arrestuar në një operacion të përbashkët të zhvilluar nga Prokuroria Speciale e Kosovës dhe Drejtoria për Hetim të Krimeve Kibernetike në Policinë e Kosovës
Aksioni është zhvilluar në Prishtinë, Ferizaj, Kaçanik dhe Klinë.
“Gjatë këtij aksioni janë kontrolluar 14 lokacione, në Prishtinë, Ferizaj, Kaçanik dhe Klinë dhe janë arrestuar 20 persona të dyshuar se kanë kryer veprat penale: “Hyrja e paautorizuar kompjuterike” dhe “Mashtrimi”.Gjatë këtij operacioni janë sekuestruar prova relevante dhe atë: Para të gatshme – rreth 120,000.00 euro; Vetura të ndryshme – 5 (pesë); Janë ngrirë mjete financiare nëpër banka në Kosovë, si dhe prona të paluajtshme; Rreth 30 kompjuter;Rreth 30 telefona;Pajisje memorizuese;Dokumente dhe prova tjera relevante për rastin, etj”, thuhet në komunikatën e përbashkët të Prokurorisë dhe Policisë.
Në këtë aksion kanë marrë pjesë 120 zyrtarë policor, përfshirë edhe zyrtarë gjerman
Me urdhër të Prokurorit nga Prokuroria Speciale, 10 të dyshuar dërgohen në mbajtje prej 48 orëve, ndërsa 10 të dyshuar të tjerë lirohen në procedurë të rregullt.
