Katër persona janë arrestuar në një aksion të zhvilluar sot në qytetin e Pejës, si rezultat i një bashkëpunimi ndërmjet Prokurorisë së Shtetit, Drejtorisë Rajonale të Policisë në Pejë dhe Njësisë për Krime të Organizuar në Prishtinë.
Lajmin e ka konfirmuar zëdhënësi i Prokurorisë së Pejës, Shkodran Nikçi, i cili tha për TËVË1 se katër persona janë kapur në flagrancë, ku tre prej tyre dyshohen për veprën penale “detyrim”, ndërsa njëri për armëmbajtje pa leje.
“Sot prokurori i shtetit, bashkë me drejtorin e rajonit të Pejës dhe krimin e organizuar në Prishtinë, kanë arritur që t’i kapin në flagrancë katër persona – tre prej tyre për veprën penale ‘detyrim’ dhe një për ‘armëmbajtje pa leje’. Të gjithë janë arrestuar nga Policia e Kosovës dhe, me urdhër të prokurorit të shtetit, do të ndalohen për procedura të mëtejshme ligjore”, deklaroi Nikçi.
Hetimet për këtë rast janë në zhvillim dhe autoritetet pritet të japin më shumë detaje në ditët në vijim.
