Dogana e Kosovës ka bërë të ditur se në kuadër planit operativ janë kontrolluar 6 subjekte të ndryshme në qytetin e Gjakovë dhe si rezultat i këtyre kontrolleve, janë gjetur dhe sekuestruar mallra të paligjshme.
Në këtë aksion janë sekuestruar:
-30 telefona celularë Samsung dhe iPhone
-62 pajisje “Airpods”
-280 copë parfumë me origjinë nga Serbia
-29 pako qaj për dobësim
-88 pako të ndryshme të stimulansëve seksual.
Tutje thuhet se në të njëjtën kohë, janë nisur procedurat e kundërvajtëse për personat përgjegjës.
“Dogana bën thirrje të gjithë qytetarët dhe subjekteve tregtare që të respektojnë rregullat dhe ligjet e zbatueshme në lidhje me tregtimin dhe importin e mallrave. Dogana e Kosovës është e vendosur të vazhdojë përpjekjet e saj për të ndaluar kontrabandën dhe të mbrojë interesat e tregtisë legjitime dhe të sigurojë që ligji të zbatohet në mënyrë të drejtë dhe të barabartë për të gjithë”, thuhet në njoftim.
