Nga Kosova për në Gjermani po udhëtonin 25 kosovarë, prej të cilëve 8 kanë kërkuar ndihmë mjekësore.
Sipas Policisë austriake, aksidenti ndodhi rreth orës 6 të mëngjesit të së enjtes ku për ndihmë i dolën 60 vullnetarë të zjarrfikësve dhe 50 vullnetarë nga Kryqi i Kuq.
“Autobusi me 25 pasagjerë, me gjasë është përplasur në mbrojtësen prej betoni të autostradës. Dyshimet se para janë se ose shoferin e ka zënë gjumi ose ndonjë defekt teknik e ka shkaktuar aksidentin”, thuhet në njoftim.
E mediat austriake raportojnë se shoferi ka treguar para policisë austriake se çka çoi deri në aksidentim.
“Sipas deklaratës së shoferit të autobusit, dhënë për policinë austriake, ai sapo kishte parakaluar një kamion dhe më pas ishte habitur kur i kishte dalë përballë një kantier ndërtimi. Nuk kishte pasur mundësi që të ndryshonte drejtimin e autobusit, pastaj u përplasë.
Nga kompania Armendi Tours kanë thënë se tanimë udhëtarët kanë mbërritur në destinacionet e tyre në Gjermani.
“Të gjithë pasagjerët janë shku në Gjermani në qytetet përkatëse me autobus tjetër, 3 nga ata janë në spital që kanë lëndime të lehta trupore”, tha Olis Gjoshi, menaxher i shitjeve ne Armend Tours.
Televizioni ka qëndruar edhe në selinë e kompanisë në Gjakovë, por që të njëtit refuzuan të prononcohen para kamerës.
Ministria e Punëve të Jashtme, ka njoftuar se për në vendngjarje ka udhëtuar ambasadori i Kosovës në Austri, Lulzim Pllana, derisa deklaruan se janë në kontakt të vazhdueshëm me autoritetet policore dhe shëndetësore në Salzburg.
Korrikun e vitit të kaluar 10 kosovarë humbën jetën në një aksident me autobus në Kroaci, ku shoferi i autobusit u dënua me 6 vite burgim, pasi pranoi fajin për shkaktimin e aksidentit fatal.
E një tjetër aksident fatal për 44 udhëtarë shqiptarë kishte ndodhur në Bullgari, ku një autobus që po bartte udhëtarë nga Maqedonia e Veriut, u aksidentua dhe u përfshi nga flakët.
Raporti i gazetares Florijeta Dernjani.