Pas përplasjes së tretnit, ku deri më tani raportohet për 36 viktima, është arrestuar shefi i stacionit të Larisës.
BBC, raporton se shefi i stacionit po akuzohet për vrasje dhe plagosje nga pakujdesia.
Shefi i stacionit, i cili është përgjegjës për sinjalizimin, mohon çdo keqbërje dhe ka fajësuar për aksidentin një defekt të mundshëm teknik.
Hetuesit po përpiqen të zbulojnë se përse dy trenat ishin në të njëjtën binar kur u përplasën pranë Larisës.
Shpresa për të gjetur të mbijetuar po shuhet
BBC, ka raportuar se dhjetëra shpëtimtarë dhe zjarrfikës po kërkojnë shenja jete në rrënojat, por “shpresa po bëhet më e vogël me kalimin e kohës”.
“Të gjithë këtu po kërkojnë shkakun e tragjedisë,” thotë Koukoumakas.
Atij i është thënë se sistemi i trenave po funksiononte në mënyrë manuale dhe jo elektronike, përcjellë teve1.info.
Koukoumakas ka konfirmuar se shumë nga viktimat në tren mendohet se janë të rinj që udhëtojnë për në qytetin e Selanikut, i cili ka një popullsi të madhe studentore.
Ai thotë se zyrtarët shëndetësorë kanë besim se dy spitalet në qytetin e afërt të Larisës do të jenë në gjendje të përballojnë dhjetëra personat që janë plagosur.
Sipas gazetës greke Proto Thema, një zëdhënës i shërbimit zjarrfikës tha se rreth 72 ishin shtruar në spital.
Ai tha se identifikimi i njerëzve po rezultoi gjithashtu “shumë i vështirë” sepse temperaturat i kaluan 1,300 C ku shpërtheu zjarri./teve1.info/
