Një aksident trafiku ka ndodhur mbrëmë në Vrellë të Istogut, ku nëntë persona kanë mbetur të lënduar.
Spitali i Përgjithshëm në Pejë ka njoftuar se i ka pranuar fillimisht të nëntë të lënduarit. Por, pas ekzaminimeve fillestare, dy prej tyre janë dërguar në QKUK.
Sipas Spitalit, njëri është në gjendje të rëndë.
Për gjendjen e tyre shëndetësore ka folur për tëvë1.info Avdush Bajgora nga QKUK-ja i cili bëri të ditur se njëri nga të lënduarit ka pësuar një frakturë në kokë dhe është në trajtim.
Tutje, Bajgora tha se gjendja e tij është e rëndë.
“Ata kanë ardh mbrëmë. Njëri ka qenë më i ligshtë, e tjetri ka pasë një frakturë në kokë dhe është në trajtim, po presim. Nga parametrat vitale të dy pacientet janë në gjendje stabile, mirëpo gjendja është e rëndë pasi ka pësuar frakturë në kokë.”, tha ai./teve1.info/
