Autori: Adea Mustafaj
Së pari e ndaluan këtë mjet transportues.
Por, ky veprim, gati se i kushtoi me jetë këtij zyrtari policor.
Një tjetër veturë që po lëvizte nga Neprebishti, u përplas me mjetin transportues të ndalur, e më pas me veturën e policisë.
E gjithë ngjarja ndodhi në këtë vend në Mamushë.
E veprimet e shpejta, duket se i shpëtuan jetën zyrtarit policor.
Rastin për Tëvë1, e kanë konfirmuar edhe në Policinë e Kosovës.
“Deri tek aksidenti kishte ardhur si pasojë e ngasjes së pakujdesshme nga ngasësi i automjetit nr. 1, i cili në momentin kritik lëvizte nga drejtimi i fshatit Neprebisht në drejtim të fshatit Mamushë. I njëjti, duke mos ia përshtatur shpejtësinë kushteve dhe rrethanave të rrugës (kontrolla policore në rrugë), nuk arrin të ndalet, humb kontrollin dhe fillimisht godet automjetin nr. 2 (Mercedes). Pas goditjes, i njëjti del në krahun e majtë të lëvizjes, në parkingun e një servisi, ku godet veturën e Policisë (Shkoda), e cila ishte në pikë kontrolli jashtë rrugës.”, ka thënë Bytyqi.
Ndërkaq, televizioni ka kontaktuar edhe spitalin e Prizrenit për të pyetur për gjendjen e të lënduarve.
Por, nga spitali thonë se nuk kanë pranuar ndonjë pacient nga ky aksident.
