Një shqiptar është në mesin e viktimave në Larisa të Greqisë, si pasojë e përplasjes së dy trenave, ngjarje e ndodhur mbrëmjen e së martës.
Abc News raportoi nga Larisa se viktima është 60-vjeçari Pavlin Bozo, nga Lushnja, i cili punonte në bar/bufe brenda në tren.
“Një shqiptar, 60-vjeçar nga Lushnja, Pavlin Bozo ka humbur jetën në këtë aksident. Ai ka qenë një ndër 12 punonjësit që zhvillonin aktivitetin e tyre në tren. Trupi i tij, deri në momentin që flasim, nuk është gjendur ende, por që informacioni saktësohet edhe nga burimet tona diplomatike”, theksoi gazetari i Abc news.
Nga aksidenti tragjik deri më tani kanë vdekur 47 persona. Ndërkohë, ka shkuar në 8 numri i shqiptarëve të përfshirë në këtë aksident.
