Kolonës s’po i shihej fundi në autostradën Ibrahim Rugova, në aksin rrugor Mazgit-Bresje.
Krejt këtë tollovi e shkaktoj një aksident zingjiror shkak i mjegullës.
E në këtë aksident të rëndë, u përfshinë 14 vetura.
E pas katër orëve, magjistralja Mazgit – Bresje u bë e kalueshme.
Mirëpo, disa nga shenjat e aksidenteve mbetën ende në vendin e ngjarjes.
Masiviteti i aksidentit shihet edhe me prezencën e Policisë së Kosovës.
Por shumë prej veturave patën dëme të mëdha materiale.
Madje, nga ky aksident tetë persona kërkuan trajtim mjekësor në Qendrën Klinike Universitare të Kosovës.
“ShSKUK ju konfirmon se tetë persona kanë kërkuar ndihmë mjekësore në Klinikën Emergjente, pas aksidentit në komunikacion, i ndodhur në autostradë. Shtatë nga ta janë liruar në shtëpi pas trajtimit mjekësor, një ende ndodhet në klinikën emergjente, jashtë rrezikut, me lëndime trupore”, thuhet në një përgjigje nga SHërbimi Spitalor Klinik Universitar i Kosovës.
Pas më shumë se tri orëve, filloi edhe largimi i veturave nga vendi i ngjarjes.
E njëra nga veturat e aksidentuara u pa edhe në QKUK.
Shaip Maliqi, shoferi i kësaj veture, tregoi se çka i kujtohet në momentin e aksidentit.
Për këtë aksident dha detaje edhe Policia e Kosovës, e cila apeloj tek shoferët të jenë më të kujdesshëm gjatë vozitjes.
“Rreth orës 06:50 në autostradën Ibrahim Rugova, Mazgit-Bresje, sipas informatave fillestare është shkaktuar një aksident trafiku zingjiror ku janë të përfshira 14 automjete dhe si pasojë e aksidentit raportohet edhe për persona të lënduar”, kanë deklaruar nga Policia e Kosovës.
Gjatë së hënës, aksident si pasojë e motit të ligë ka pasur edhe rrugës për në fshatin Trudë.
