Policia e Kosovës ka konfirmuar se sot ka ndodhur një aksident trafiku në rrugën Prizren–Dragash, ku janë përfshirë një kamion dhe tri vetura.
Zëdhënësi i Policisë për rajonin e Prizrenit, Shaqir Bytyqi, tha se nga aksidenti ka persona të lënduar dhe dëme materiale.
“Si pasojë e aksidentit, raportohet për persona të lënduar, si dhe për dëme materiale. Në vendngjarje kanë dalë njësitet e Emergjencës dhe të Policisë, të cilat janë duke menaxhuar me rastin dhe po kujdesen për normalizimin e qarkullimit rrugor”, deklaroi Bytyqi.
Policia njoftoi se hetimet lidhur me shkaqet e aksidentit janë duke vazhduar, derisa të lënduarit janë dërguar për trajtim mjekësor.
