Pasditen e sotme është raportuar një aksident trafiku me të lënduar në rrugën “Agim Ramadani” në Prishtinë.
Zëdhënësi i Policisë së Kosovës për Prishtinës, Enis Pllana ka bërë të ditur se në aksident janë përfshirë një automjet dhe dy këmbësorë.
Si pasojë e përplasjes, dy persona kanë pësuar lëndime trupore dhe janë dërguar për trajtim mjekësor.
Rasti është duke u trajtuar nga njësitet e Trafikut të Kryeqytetit, të cilat po hetojnë rrethanat e aksidentit.
“Rreth orës 17:00 kemi pranuar informatën për një aksident trafiku me lëndime në rrugën “Agim Ramadani” në Prishtinë. Në aksident janë përfshirë një automjet dhe dy këmbësorë. Si pasojë lëndime kanë pësuar dy persona, të cilët kanë pranuar tretman mjekësor. Me rastin po merret Trafiku i Kryeqytetit”, tha ai. /teve1.info/
