Përveç aksidentit me fatalitet që ka ndodhur mbrëmjen e sotme në fshatin Çubrel të Skenderajt, ku vdiqën tre persona e u lënduar pesë, katër prej tyre policë, një aksident tjetër ka ndodhur në rrugën magjistrale Ferizaj-Prishtinë, konkretisht në fshatin Prelez i Muhaxherëve të Ferizajt.
Në këtë aksident janë lënduar katër persona, të cilët janë transportuar për trajtim mjekësor në Qendrën Emergjente në Ferizaj nga ekipet e autoambulancës.
Në aksident janë përfshirë një autobus dhe tri vetura, të gjitha me targa vendore.
Kështu ka bërë të ditur për teve1.info, zëdhënësi i Policisë së Kosovës për rajonin e Ferizajt, Kanun Vesseli.
“Në vendngjarje menjëherë kanë dalë ekipet e policisë nga Njësia e Komunikacionit Rrugor, ndërsa hetuesit e aksidenteve kanë kryer ekzaminimin e plotë të vendit të ngjarjes. Për të gjitha veprimet e ndërmarra nga policia, është njoftuar prokurori i shtetit” tha ai./teve1.info/
