Një aksident trafiku ka ndodhur sot rreth orës 18:50 në fshatin Shirokë të Suharekës, ku një automjet ka goditur dy këmbësore, të cilat po kalonin rrugën në vendkalimin e shënuar për këmbësorë.
Lajmin e ka konfirmuar Shaqir Bytyqi zëdhënës i Policisë së Kosovës për rajonin e Prizrenit, i cili ka bërë të ditur se të dyja gratë kanë pësuar lëndime të lehta trupore dhe janë dërguar në Qendrën e Emergjencës për trajtim mjekësor.
“Njësitë e Policisë kanë dalë menjëherë në vendin e ngjarjes dhe po hetojnë rastin për të sqaruar të gjitha rrethanat e aksidentit”, tha Bytyqi.
