Një aksident trafiku ka ndodhur të mërkurën në mëngjes në rrugën Prishtinë–Ferizaj, ku janë përfshirë një kamion dhe dy vetura. Si pasojë e përplasjes, një person ka pësuar lëndime trupore.
Policia e Kosovës ka njoftuar se aksidenti ka ndodhur rreth orës 10:00.
“Sot rreth orës 10:00 kemi pranuar informatën se në rrugën Prishtinë – Ferizaj ka ndodhur një aksident trafiku me lëndime. Në këtë aksident kanë qenë të përfshira tri automjete (një kamion dhe dy vetura)”, kan thënë nga Polica e Kosovës për Tëvë1.
Në vendin e ngjarjes ka dalë njësiti i trafikut rajonal, i cili është duke u marrë me hetimin e rastit.
