Një aksident trafiku ka ndodhur të mërkurën në mesditë në rrugën “Nazim Gafurri” në Prishtinë, ku një këmbësor mashkull ka pësuar lëndime trupore pasi është goditur nga një veturë.
Sipas raportit të Policisë së Kosovës, vetura ishte duke u drejtuar nga një shtetas mashkull kosovar, i cili më pas është arrestuar.
“Viktima është dërguar për trajtim mjekësor në Qendrën Klinike Universitare të Kosovës (QKUK) dhe sipas mjekëve ndodhet jashtë rrezikut për jetë,” thuhet në njoftimin policor.
I dyshuari është intervistuar nga hetuesit dhe, me vendim të prokurorit, është liruar në procedurë të rregullt.
Policia ka nisur hetimet për të sqaruar rrethanat e aksidentit dhe për të përcaktuar përgjegjësinë ligjore në këtë rast.
