Një 26-vjeçar ka humbur jetën si pasojë e një aksidenti që ndodhi në aksin rrugor Korçë–Pogradec, pranë fshatit Vloçisht, ndërsa dy persona të tjerë mbetën të plagosur.
Sipas informacionit paraprak të Policisë shqiptare, rreth orës 01:00, një automjet tip “Benz”, i drejtuar nga një 26-vjeçar, është përplasur me një automjet tip “Audi”, që drejtohej nga një 27-vjeçar.
Si pasojë e përplasjes së fortë, drejtuesi i automjetit “Benz” humbi jetën në vendngjarje.
Ndërkohë, drejtuesi i automjetit “Audi” dhe një pasagjer që udhëtonte me të mbetën të lënduar. Ata u transportuan në spital, ku po marrin ndihmë mjekësore dhe ndodhen jashtë rrezikut për jetën, shkruan Abcneës,
Policia dhe grupi hetimor kanë kryer veprimet në vendngjarje dhe po vijojnë hetimet për të zbardhur plotësisht rrethanat e aksidentit, si dhe për të përcaktuar shkakun e përplasjes.
