Në magjistralen Gjakovë – Deçan, në fshatin Hereq ka ndodhur një aksident trafiku ku janë përfshirë dy automjete.
Zëdhënësi i Policisë për Rajonin e Gjakovës, Sheremet Elezaj, njofton se një person ka pësuar lëndime dhe është dërguar për trajtim mjekësor.
“Rreth orës 12:10 është raportuar një aksident trafiku në fshatin Hereq, në rrugën Gjakovë–Deçan, ku janë përfshirë dy automjete. Deri më tani, përveç dëmeve materiale, një person ka kërkuar ndihmë mjekësore dhe është dërguar për trajtim,” ka thënë Sheremet Elezaj.
“Njësitet kompetente policore kanë dalë në vendin e ngjarjes dhe janë duke u marrë me rastin”, sqaroi Elezaj.
