Tre persona kanë mbetur të lënduar si pasojë e një aksidenti trafiku që ka ndodhur sot rreth orës 14:10 në rrugën “Sadik Rama” në Klinë.
Rastin e ka konfirmuar zëdhënësi i Policisë për rajonin e Pejës, Driton Rugova, i cili bëri të ditur se në aksident janë përfshirë dy vetura.
Sipas tij, të lënduarit janë dërguar për trajtim mjekësor në Spitalin Rajonal të Pejës.
“Sot rreth orës 14:10, Policia është njoftuar për një aksident trafiku i cili ka ndodhur në rrugën ‘Sadik Rama’, në Klinë. Në këtë aksident ishin të involvuara 2 vetura dhe si pasojë e këtij aksidenti 3 persona kanë pësuar lëndime trupore. Të njëjtit janë dërguar në Spitalin rajonal në Pejë për tretman mjekësor”, ka deklaruar Rugova.
