Katër persona kanë mbetur të lënduar si pasojë e një aksidenti trafiku që ka ndodhur mbrëmjen e së mërkurës në fshatin Bellopojë të Istogut.
Sipas raportit 24-orësh të Policisë së Kosovës, aksidenti është regjistruar rreth orës 19:05, ku janë përfshirë dy automjete.
“Është raportuar se dy automjete janë përfshirë në aksident trafiku. Si pasojë e aksidentit, lëndime trupore kanë pësuar katër persona që ndodheshin në njërën nga veturat dhe të njëjtit kanë pranuar tretman mjekësor”, thuhet në raportin e Policisë.
Të lënduarit kanë marrë trajtim mjekësor, ndërsa Policia e Kosovës është duke i hetuar rrethanat që çuan deri te aksidenti.
