Pesë persona janë lënduar në një aksident që ka ndodhur në mes të një autobusi dhe tri automjeteve në fshatin Mleqan të Malishevës.
Kështu ka bërë të ditur për teve1.info, zëdhënësi i policisë për këtë rajon, Sheremet Elezaj.
“Rreth orës 19:10 është raportuar aksident trafiku në fshatin Mleqan-Malishevë (rruga Prishtinë-Pejë). Policia ka dalë në vendin e ngjarjes ku të përfshirë në aksident kanë qenë një autobus dhe tri automjete udhëtaresh. Përveç dëmeve materiale, deri më tani është raportuar për pesë persona të lënduar”, ka deklaruar ai.
Njësia Rajonale e Komunikacionit Rrugor, është duke ndërmarrë veprimet nevojshme hetimore./teve1.info
