Tre persona kanë mbetur të lënduar si pasojë e një aksidenti trafiku që ka ndodhur në rrugën Prishtinë–Pejë, përkatësisht në fshatin Bresje.
Lajmin e ka konfirmuar zëdhënësi i Policisë së Kosovës, Daut Hoxha, i cili bëri të ditur se në aksident janë përfshirë një autobus dhe dy vetura.
“Policia është njoftuar për një aksident trafiku të shkaktuar në rrugën Prishtinë–Pejë, në Bresje, ku janë përfshirë një autobus dhe dy vetura. Si pasojë e aksidentit, tre persona kanë pësuar lëndime trupore. Njësitë relevante policore kanë dalë në vendin e ngjarjes dhe janë duke ndërmarrë veprimet e nevojshme hetimore për sqarimin e rrethanave të aksidentit” , ka thënë ai.
Hoxha ka apeluar tek të gjithë pjesëmarrësit në trafik që të respektojnë rregullat e komunikacionit dhe të shtojnë kujdesin gjatë ngasjes./teve1.info/
