Një aksident trafiku është regjistruar sot rreth në kilometrin e tetë të rrugës Pejë–Rugovë, ku janë përfshirë tri automjete.
Zëdhënësi i Policisë Rajonale në Pejë, Driton Rugova, ka bërë të ditur se si pasojë e aksidentit një person ka pësuar lëndime trupore.
Sipas tij, i lënduari është dërguar në spital për trajtim mjekësor, ndërsa gjendja e tij shëndetësore ende nuk është bërë e ditur.
Njësitet policore dhe ekipet kompetente kanë dalë menjëherë në vendin e ngjarjes, ku kanë kryer veprimet e nevojshme hetimore për të përcaktuar shkaqet dhe rrethanat që çuan deri te aksidenti.
Hetimet lidhur me rastin janë në vazhdim.
