Në rrugën Prizren-Sukarekë, ka ndodhur një aksident me fatalitet.
Policia ka bërë të ditur se në aksident janë përfshirë dy automjete me targa vendore, ku si pasojë e këtij aksidenti ka ndërruar jetë një person rreth 40-vjeçar.
“Me datën 15.08.2024, rreth orës 06:16, është raportuar për një aksident trafiku të ndodhur në rrugën Prizren-Suharekë (Rrafshi i Sopis). Lidhur me rastin janë njoftuar njësitë përgjegjëse policore të cilët menjëherë kanë dalë në vendngjarje. Bazuar në informacionet e para në këtë aksident janë të përfshira dy automjete me targa vendore, ku si pasojë e këtij aksidenti dyshohet se një person ka ndërruar jetë (mashkull rreth 40 vjeçar ).Vdekjen e tij e ka konstatuar stafi përgjegjës i Emergjencës së QMF në Suharekë”, thuhet në njoftim.
Në njoftim është bërë e ditur se lidhur me këtë rast janë duke u kryer hetime. Ndërsa në vend të ngjarjes ka dalë prokurori i rastit dhe me urdhër të tij, trupi i pajetë është dërguar në IML.
Kurse i dyshuari është ndaluar për 48 orë.
