Një aksident trafiku me pasoja fatale ka ndodhur sot rreth orës 06:57 në magjistralen Suharekë – Shtime, tek vendi i njohur si Qafa e Duhlës.
Sipas njoftimit të Policisë së Kosovës, në aksident është përfshirë një motoçikletë me të cilën po udhëtonte një çift shtetas maqedonas, A.S. (1979) dhe D.M. (1985).
Dyshohet se aksidenti ka ndodhur pasi një qen endacak i ka dalë papritmas në rrugë, duke bërë që drejtuesi i motoçikletës të humb kontrollin dhe të përplasen.
Si pasojë e përplasjes, pasagjerja D.M. ka ndërruar jetë në vendin e ngjarjes, ndërsa drejtuesi i motoçikletës ka pësuar lëndime dhe është dërguar për trajtim mjekësor.
Policia dhe emergjenca kanë dalë menjëherë në vendin e ngjarjes, ndërsa mjeku ka konstatuar vdekjen e viktimës.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për autopsi.
Hetimet lidhur me rastin janë në vazhdim, ndërsa rruga magjistrale Suharekë – Shtime është e hapur për qarkullim.
“Të gjitha veprimet policore janë duke u ndërmarr konform procedurave atë parapara me ligj.
Prokurori i shtetit është informuar lidhur me rastin. Me vendim të Prokurorit, trupi i pajetë i viktimës dërgohet në Institutin e Mjekësisë Ligjore për autopsi”, thuhet në njoftim të PK-së./teve1.info/
