Akil Gjakova ka mbetur pa medalje në Lojërat Olimpike “Parisi 2024” por pati një rrugëtim të jashtëzakonshëm dhe ishte afër për të shkruar historinë.
Akili arriti deri në gjysmëfinale të kategorisë deri 73 kilogramë për t’u mposhtur nga bartësi i parë dhe kampioni në fuqi i botës, Hidayet Heydarov.
Heydarov fitoi me pazari në kohën shtesë për t’ia pamundësuar Akilit finalen e madhe.
Përkundër eliminimit në gjysmëfinale, Akili pati edhe një mundësi për ta fituar medaljen e bronztë përmes repesazhit dhe për ta shkruar historinë.
Megjithatë, në luftën për vendin e tretë, Akili pësoi nga japonezi Soichi Hashimoto për të përfunduar i pesti.
Edhe pse mbeti pa medalje, pozita e katërt në Olimpiadën e Parisit është një rezultat fantastik për Akilin, duke pasur parasysh se në Tokio doli i shtati.
Akili e nisi mirë garimin, duke regjistruar tri fitore rresht. Në raundin e parë, mposhti brazilianin Daniel Cargnin, për të vazhduar me fitore edhe ndaj austriakut Daniel Gassner dhe italianit Manuel Lombaro për të prekur gjysmëfinalen.
