Ajaxi me 83 pikë është shpallur edhe zyrtarisht kampioni i ri i Holandës, derisa në ndeshjen e fundit ka barazuar me shifra 2:2 me Vitessen. Ndërkaq vend në Ligën e Kampionëve ka siguruar edhe PSV, e cila triumfoi 2:1 ndaj Zwolles, skuadër kjo që është përshendetur me Eredivisie.
E skuadrës së Zwolle edhe Williem II që arriti një fitore prej 3:0 ndaj Utrechtit, por që ishte e pamjaftushme për të mbetur në elitë.
Verdikti më kryesor në javën e 34-të ishte humbja e Heracles, me këta të fundit që do të luajnë në “Play-Out”, pasi dështuan përballë Sparta-s, në duelin direkt për mbijetesë. Skuadra e dytë e Roterdamit me këtë sukses largoi telashet e mbijetesës, duke siguruar qëndrimin në Eredivisie. Hapin fals të Heracles e shfrytëzoi gjithashtu edhe skuadra e Sittard që triumfoi në transfertën e NEC Nijmeng-ut me rezultatin minimal 0-1, duke shpëtuar kështu edhe sezonin.
Feyenoordi ka zënë vendin e tretë, pozitë që siguron Ligën e Evropës edhe pse humbi me shifra 1:2 ndaj Twentes, që së bashku me Az Alkmaar, Vitesse, Utrecht dhe Heerenveen do të luajnë në Ligën e Konferencës. /Tëvë1/
