Ai në emisionin “Ditari” në Tëvë 1, thotë se Lëvizja Vetëndosje është kundër UÇK-së që nga koha kur ishte opozitë, kur Albin Kurti akuzonte ish-krerët për vrasjen e disa personave.
“Paga minimale është shumë e vogël, por përjashtimi i këtij grupi i veteranëve është total absurde. Nëse e sheh kjo s’është befasi nëse i sheh reagimet e Qeverisë kundër UÇK-së kjo nuk befason shumë. E kemi prej deklaratave të Kurtit në Kuvend kur i akuzonte krerët e UÇK-së ka pasë një përplasje ku e akuzonte për zhdukjen e Beadin Allaçit e ka pasur të njëjtë Liburn Aliu atëherë ka qenë deputet e akuzonte Thaçin. Është një status i famshëm i Kurtit që thotë shko Hashim në Hagë pra i bën thirrje me shku, e bën me shumë qejf”, tha ai.
Madje, Ahmeti ka përmendur edhe deklaratat e zv.kryeministres, Donika Gërvalla se do të dërgojë dosje në Gjykatën Speciale kundër ish-krerëve të UÇK-së.
“E sheh që zv.kryeministrja në këtë Qevrei është Donika Gërvalla që vet ka deklaruar që do të dorëzojë dosje në Gjykatën Speciale. Krejt kjo Qeveria qa kemi dëgju deri tash janë sulme ndaj UÇK-së, ndaj krerëve të saj. Besoj qëllimi kryesor i kësaj është denigrimi i veteranëve dhe luftëtarëve të UÇK-së”, tha ai.
Sipas tij, LVV-ja do të bëjë të pamundurën që Ligji për Pagën Minimale të miratohet ashtu siç është propozuar fillimisht nga ata.
Ndërkaq, ka bërë thirrje edhe për protesta dhe reagim më të madh të veteranëve por edhe shoqërisë civile për kundërshtimin e këtij projektligji./teve1.info/
