Zëvendësministri i Jashtëm i Kosovës, Kreshnik Ahmeti ka njoftuar se marrëdhëniet diplomatike me Republikën e Palaut, janë rikthyer pas pesë vitesh.
“Pas pesë viteve, rikthehen marrëdhëniet diplomatike me Palaun”, ka shkruar ai në një postim në Facebook, përcjell teve1.info
Palau ka njohur pavarësinë e Kosovës në vitin 2009, mirëpo para pesë vitesh, ishte raportuar se do ta shqyrtojë vendimin, pasi qarkullonte në media një notë diplomatike nga Ministria e Shtetit e Palaut.
Në notë, siç raportonin mediat serbe, theksohej se ky shtet ka marrë vendimin që sërish ta shqyrtojë pozicionin e vet lidhur me statusin e Kosovës.
