Në një intervistë për “Ditarin” në Tëvë1, Ahmeti thotë se ende nuk kanë ndarë mjete buxhetore për strehimin e tyre.
“Ata mund të hyjnë në Kosovë pa viza, për aq kohë sa është duke vazhduar lufta në Ukrainë. Ndër tjerash ne kemi marrë një vendim që ka qenë strehimi i mundësimi i kushteve të punës i 20 gazetarëve ukrainas. Është marrë një vendim që t’u mundësohet ardhja atyre, mënyra e selektimit do të bëhet nga organizatat e gazetarëve. Nuk është në dorën e shtetit të vendosë cilët gazetarë vijnë. Tek ne ka gatishmëri që refugjatët të strehohen por kemi kapacitete modeste”, tha ai.
Sipas tij, mjetet buxhetore janë ndarë vetëm për strehimin e gazetarëve ukrainas.
Kurse, ndihmën për refugjatët ukrainas do ta bëjnë përmes organizatave humanitare ndërkombëtare.
“Nuk ka ndonjë përllogaritje,buxhetit të Kosovës do t’i kushtojnë ata 20 gazetarë. Është përcaktuar për gazetarë ne jemi në diskutim që të kemi ndihma humanitare që do ti dërgojnë te refugjatët që nuk janë në Ukrainë, por në kufijtë e saj. Kjo do të realizohet përmes një organizate ndërkombëtare. Ato nuk do të japin ndihmën, Qeveria do ta bëjë përmes një organizate humanitare sigurisht ajo do të bëhet për aq sa ka kapacitet buxheti ynë nuk do ta rëndojmë mirëqeniene qytetarëve, por një shumë simbolike”, shtoi ai./teve1.info/
