Kushtrim Ahmeti nga Dhoma e Tregtisë dhe Industrisë, ka thënë se protesta e sotme e bizneseve nuk është imazh i mirë as për investitorët potencial.
Ai ka thënë se protesta ka ardh pas mungesës së rezultateve përmes takimeve, duke thënë se kërkesa e tyre është të shtyhet vendimi për hyrje në fuqi të vendimit për liberalizimin e tregut energjetik.
Ahmeti në emisionin “Ditari” në Tëvë1, ka thënë se nëse ky vendim hynë në fuqi nga 1 qershori do të dëmtojë bizneset kosovare.
Ai ka treguar se vendet e rajonin po dërgojnë oferta për bizneset prodhuese kosovare që potencialin e tyre ta zhvillojnë jashtë Kosovës.
“Vendet e rajonit janë duke u dërguar oferta të majme sidomos bizneseve prodhuese për t’i bindur që ta derdhin kapitalin e tyre në vendet e rajonit, duke u ofruar oferta që Kosova nuk ua ka dhënë”, ka thënë Ahmeti.
Ai ka komentuar edhe deklaratën e kryeministrit në detyrë, Albin Kurti i cili për protestën e bizneseve ku për dy orë u bllokuan hyrjet në kryeqytet, tha se koha e barrikadave ka kaluar.
“Është gabim shumë i madh kjo çfarë ka thënë Kurti. Nuk është mesazh i mirë për këto biznese që janë me vite të tëra në vendin tonë. Pasojat janë shumë të mëdha. Ja ka i jep porosi edhe atij biznesi që ka mendua me investu në Kosovë, ‘po i thua mos hajde’”, është shprehur Ahmeti.
Ai ka thënë se problemi më liberalizimin e tregut energjetik është i vjetër dhe se këtu sipas tij kanë dështuar të gjitha qeveritë.
Nga 1 qershori sipas vendimit të ZRrE-së bizneset që kanë mbi 50 punëtorë dhe 10 milionë të hyra do të kalojnë në treg të lirë energjetik.
