Ish-ministrja e Integrimeve Evropiane, Mimoza Ahmetaj, thotë se njohja de-facto e Serbisë ka ardhë me Qeverinë e tanishme.
Ahmetaj thotë se Kosovës i duhet njohja de-facto, në mënyrë që njëherë e mirë të zgjidhen problemet e hapura me Serbinë.
“Në të vërtetë njohja de-facto ka ardhë me këtë Qeveri. Sepse, sa herë që kemi fol më herët dhe sa herë që është diskutuar ka nënkuptuar njohja de-jure e Kosovës. Pse na duhet neve de-facto? Ne kemi nevojë që njëherë dhe përgjithmonë t’i zgjedhim problemet e hapura mes veti”, tha ajo në emisionin “Ditari” në Tëvë1.
Lidhur me deklaratat e ambasadorit amerikan në Serbi, Christopher Hill, i cili deklaroi që nuk i kërkohet Serbisë njohje de-jure e Kosovës për të hyrë në BE, ish-ministrja e Integrimeve Evropiane thotë se ai mund të dijë diçka që ndoshta nuk është bërë publike në opinion.
“Ambasadori Hill i referohet ndonjë marrëveshje të Ohrit diçka për të cilën ne nuk dimë, nëse ka pas ndonjë diskutim prapa dyerve të mbyllura për të cilat ne opinioni publik nuk jemi njoftuar dhe ndoshta ai dinë diçka më tepër sesa ne, ai pra mund t’i referohet atij diskutimi”, deklaroi ajo.
Tutje, ajo tha se dokumentet në thelb e kanë që duhet të kenë një njohje mes Kosovës dhe Serbisë, madje parashohin rrugëtimin.
Ndërkohë, Hill, shprehu bindjen se njohja formale e Kosovës nuk do të jetë kusht për hyrjen e Serbisë në Bashkimin Evropian, por normalizimi i marrëdhënieve fqinjësore me të./teve1.info/
