Rruga për në Slloveni ish deputet të Lëvizjes Vendvendosje, Gramos Agusholli, nuk i shkoi mirë.
Në orën 9 të mëngjesit, derisa ishte duke kaluar kufirin e Kosovës me Serbinë ai u ndalua nga autoritetet serbe.
E deri në orën 16:00, ai nuk pati mundësi ta kalonte pikën kufitare në Merdare.
Agusholli në një intervistë për Tëvë 1, ka treguar arsyet e ndalimit.
“Sot nga ora 09:00, isha duke kaluar kalimin kufitar në Merdare ku Policia na ndaloi dhe na la me prit një tri orë e pas tre orëve me morën në pyetje në ato zyrat e tyre të shërbimit, shtetëror, pyetjet kryesisht kanë qenë për angazhimin tim në politikë, veçanërisht për angazhimin tim në Vetëvendosje, kohën sa kam qenë deputetët si për angazhimin e familjes teme në Ushtrinë Çlirimtare të Kosovës”, katreguar ish-deputeti.
Agusholli ka thënë se në veturë ishte së bashku me vëllaun dhe disa miq, pasi po shkonin për një trajtim mjekësor në Slloveni.
“Vetë fakti që të kanë ndalë është një lloj presioni në veti, edhe pse nuk ka pasur ndonjë dhunë fizike, ka pasur pyetje të llojeve të ndryshme, sidomos për situatën politike, afërsinë teme me krerët e Lëvizjes Vetëvendosje. Me kanë mbajte deri në orën 16:00. Në total kemi qenë shtatë orë të ndaluar vendimi për lirim , e kanë marrë atë çka dashtë edhe në fund vetëm thjeshtë më liruan dhe kjo ke e tëra. Jam me miq dhe familjar me vëllaun sepse po shkojmë në një trajtim mjekësor në Lubjanë”, ka thënë ai.
Rreth këtij ndalimi, ka reaguar edhe Ministria e Punëve të Jashtme të cilët edhe kanë njoftuar shtetet e QUINT-it.
“Ministria e Punëve të Jashtme dhe Diasporës ka njoftuar menjëherë misionet diplomatike të shteteve të QUINT-it dhe Zyrën e BE-së në Kosovë, si dhe ka ndërmarrë hapat e nevojshëm për të siguruar informacione të plota dhe zyrtare në lidhje me rastin.MPJD dënon fuqishëm këtë veprim arbitrar të autoriteteve serbe”, thuhet në reagimin e MPJD-së.
Ministria e Punëve të Jashtme të Kosovës u ka bërë thirrje Bashkësisë Ndërkombëtare të reagojë ndaj Serbisë për ndalimin e praktikave të tilla represive.
