Pasojat nga dhuna e ushtruar në burg nga gardianët policorë serbë thotë që i vuan edhe sot.
Kështu me paterica Agron Ramadani erdhi për të dëshmuar në gjykatore për dhunën fizike dhe torturat që deklaron se i ka ushtruar ish-gardiani i burgut të Prishtinës dhe Lipjanit Dragisha Millenkoviq gjatë qëndrimit në burgun e Lipjanit në vitin 1999.
Ish shefi i mbrojtjes së Adem Demaçit, që atë kohë ishte i burgosur, dhunën që kishin ushtruar gardianët serb mbi të burgosurit e ka cilësuar si kafshërore.
“Forma shtazarake për 30 minuta se kemi dite çka është t’u ndodhë, me shkelma për 30 minuta. Kjo ka qenë procedurë e rrahjes po edhe të tjerëve në qate forme i ka rreh”, deklaroi Ramadani.
Tutje, Ramadani ka dëshmuar se gjatë transferimit në burgun e Lipjanit, rrugës për pavijone ishin formuar një kordon i policisë dhe gardianëve ku dhuna fizike kishte vazhduar edhe aty.
“Kur na kane zbrit prej autobusit atëherë kane fillu maltretimet fizike në fund te kordonit aty kanë qenë Dragisha Millenkoviq Zoran Koliq edhe Zoki. Në burgun e Lipjanit na kena qenl 50-60 vet me një dhome ulur aty kemi degjuar britma ne dhoma tjera dhe kemi degjuar qe nga rrahjet nje i burgosur ka vdekur kush ka qene ai nuk e di”.
Gjatë procesit të dëshmisë, avokatja e Milenkoviq e pyeti dëshmitarin se si e kishe bërë identifikimin e të akuzuarit.
Procesi gjyqësor në këtë rast do të vazhdojë edhe gjatë muajve në vijim pasi ka një numër te konsiderueshëm të dëshmitarëve që pritet të dëshmojnë.
Millenkoviq dyshohet se ka kryer krime lufte derisa ushtronte detyrën e gardianit të Burgut të Prishtinës dhe Lipjanit gjatë muajve maj-qershor 1999.
