Regjisori, Agon Myftari është shpërblyer me dy çmime atë për regjinë më të mirë dhe shfaqjen më të mirë në Festivalin e Dramës Origjinale Shqipe “Talia e Flakës 2026”.
Myftari duke shprehur falënderime për festivalin dhe jurinë për vlerësimin, ka thënë se këto çmime janë të një pune kolektive.
“Këto çmime nuk i përkasin vetëm emrit tim — janë të një pune kolektive, të një besimi të përbashkët dhe të një rruge që u ndërtua me përkushtim, lodhje dhe dashuri për teatrin. Kjo shfaqje ka qenë një proces i thellë artistik dhe njerëzor, një udhëtim që na ka sfiduar si krijues dhe si njerëz, dhe që na ka detyruar të jemi të ndershëm me veten dhe me të vërtetat që vendosëm t’i tregojmë në skenë. Faleminderit Festivalit dhe jurisë për vlerësimin. Një falënderim i veçantë për të gjithë aktorët, për përkushtimin, besimin dhe guximin artistik”, ka shkruar ai në një postim në Facebook.
Agon Myftari është pjesë e Tëvë1, regjisor në serialin më të shikuar në “Bashkallajk”.
