Asociacioni i Gazetarëve të Kosovës ka njoftuar se të mërkurën në mëngjes, nga ora 08:30, do të mbajë konferencë urgjente për media para Kuvendit të Kosovës.
Sipas njoftimit, përmes kësaj konference do të shprehen shqetësimet në lidhje me proceset e përzgjedhjes së anëtarëve të Bordeve RTK-së dhe KPM-së.
Konferenca organizohet nga AGK, Lëvizja FOL, Instituti i Kosovës për Drejtësi (IKD) dhe aktivistja Flutura Kusari.
