Asociacioni i Gazetarëve të Kosovës (AGK) ka dënuar paralajmërimin e kandidatit të Lëvizjes Vetëvendosje për Komunën e Mitrovicës së Jugut, Faton Peci, për ngritjen e padive ndaj disa gazetarëve për shkak të publikimit të exit-polleve.
Sipas AGK-së, paralajmërimi i Pecit për padi penale ndaj gazetarëve përbën një përpjekje të hapur për t’i frikësuar dhe për të penguar punën e tyre profesionale.
“Ky akt i zotit Peci është sulm brutal ndaj lirisë së raportimit në Kosovë, dhe përpjekje për të dekurajuar punën e gazetarëve. AGK e sheh këtë veprim edhe si përpjekje për ta kaluar betejën politike në mediale, gjë që është e papranueshme”, thuhet në reagim.
AGK-ja i ka bërë thirrje Faton Pecit që të heqë dorë nga sulmet ndaj gazetarëve dhe mediave.
“Peci ka një histori të sulmeve ndaj gazetarëve dhe mediave, dhe AGK e fton që të ndalë këtë praktikë tepër të dëmshme për demokracinë në vend,” thuhet më tej në njoftim”, theksohet në reagim.
Peci njofton padi për falsifikim të rezultateve të votimit në Mitrovicën e Jugut
